alexametrics DiscoverLaos And Rediscover Yourself Today with us! Book Direct and Lao!
Discover Laos, Rediscover Yourself
Discover Laos, Rediscover Yourself

ໜ້າຫຼັກ

Welcome to Discoverlaos

ຍິນດີຕ້ອນຮັບເຂົ້າສູ່ ດິສໂຄເວີລາວ (Discoverlaos)
ການເປີດປະຕູການທ່ອງທ່ຽວແບບຄົບວົງຈອນຄັ້ງທຳອິດໃນປະເທດລາວ, ເຊື່ອມຕໍ່ປະເທດລາວກັບປະເທດອື່ນໆໃນໂລກ. ຄວາມມຸ່ງໝາຍ DiscoverLaos.Today ແມ່ນການສ້າງແຮງບັນດານໃຈໃນການເດີນທາງ ແລະ ການຂະຫຍາຍຕົວຂອງການທ່ອງທ່ຽວລາວ. ສຳຜັດກັບປະສົບການທີ່ບໍ່ມີໃຜຄາດເດົາໄດ້ໃນລະຫວ່າງທີ່ກຳລັງໄຂປິດສະໜາ ແລະ ຄວາມລຶກລັບຂອງປະເທດລາວໄປກັບພວກເຮົາ.

ທີມງານໃນທ້ອງຖິ່ນຂອງເຮົາຈະແນະນຳສິ່ງທີ່ເກີດຂຶ້ນໃນພື້ນທີ່ຈຸດສູງສຸດ ແລະ ຄວາມງາມທີ່ຍັງຄົ້ນຫາບໍ່ໝົດເຊິ່ງບໍ່ມີປຶ້ມຄູ່ມືການເດີນທາງທ້ອງຖິ່ນຂອງທ່ານ. ກຽມຄວາມຄາດຫວັງຂອງທ່ານໃຫ້ພ້ອມທີ່ຈະອອກເດີນທາງ ແລະ ຄົ້ນຫາປະເທດລາວດ້ວຍການເດີນທາງໃນຮູບແບບຕ່າງໆຂອງທ່ານ

ໜ້າຫຼັກ

ປະຫວັດຄວາມເປັນມາຂອງປະເທດລາວໂດຍຫຍໍ້

ຕົ້ນກຳເນີດຂອງຄົນລາວ

ຄົນລາວມີຖິ່ນກຳເນີດມາຈາກແຂວງຢູນນານ, ພາກໃຕ້ຂອງຈີນ, ເປັນຊົນເຜົ່າທີ່ຖືກຍົກຍ້າຍໄປທາງທິດໃຕ້ໃນສະຕະວັດທີ 13. ໃນສະໄໝນັ້ນ, ອານາຈັກລາວທຳອິດໄດ້ຖືກສ້າງຕັ້ງຂື້ນໂດຍ ເຈົ້າຟ້າງຸ່ມ ໃນປີ ຄສ 1353 ເປັນລາຊະອານາຈັກລ້ານຊ້າງ ຫຼື "ແຜ່ນດິນລ້ານຊ້າງ".

ອານາຈັກລາວ

ຜົນສຳເລັດທີ່ສຳຄັນຂອງ ເຈົ້າຟ້າງຸ່ມ ແມ່ນການເຕົ້າໂຮມບັນດາກຸ່ມຊົນເຜົ່າໃນລາວໂດຍຜ່ານສາສະໜາພຸດເທຣະວະດາ ແລະ ເຮັດໃຫ້ຫຼວງພະບາງກາຍເປັນສູນກາງສາສະໜາ ແລະ ວັດທະນະທຳຂອງອານາຈັກໃນ 200 ປີຂ້າງໜ້າ. ບັນດານັກສຶກສາພຸດທະສາດສະໜາ ແລະ ພຣະຄຳພີສາມາດພົບເຫັນຢູ່ທົ່ວປະເທດລາວໃນປະຈຸບັນນີ້ກໍ່ຄືກັນກັບວັດຖຸບູຮານອັນສະຫງ່າລາສີໃນອະດີດຂອງລາວ.

ການໂຄ່ນລົ້ມຂອງຝຮັ່ງ

ຫຼັງຈາກຫຼາຍທົດສະວັດຂອງຄວາມຂັດແຍ່ງພາຍໃນແລະສົງຄາມກັບປະເທດໃກ້ຄຽງ. ອານານິຄົມຝຣັ່ງປົກຄອງລາວໄດ້ຮັບການສ້າງຕັ້ງຂື້ນຕັ້ງແຕ່ປີ ຄສ 1893 ເຖິງປີ ຄສ 1946 ຫຼັງຈາກຝຣັ່ງໄດ້ສະຖາປະນາແລະຂຶ້ນຄອງອຳນາດ, ສ້າງຕັ້ງຫຼວງພະບາງກາຍເປັນເມືອງຫລວງຂອງລາວແລະວຽງຈັນເປັນສູນກາງການປົກຄອງຂອງອານານິຄົມ.

ຝຣັ່ງໄດ້ຕັ້ງຊື່ໃຫ້ປະເທດລາວ ແລະ ຊາຍແດນປະຈຸບັນຂອງລາວ. ພວກເຂົາຊ່ວຍທ້ອນໂຮມບັນດາແຂວງຂອງລາວຢູ່ທາງຕາເວັນອອກຂອງແມ່ນ້ຳຂອງໃນຂະນະທີ່ເຮັດສົນທິສັນຍາກັບສະຫຍາມໂດຍໃຫ້ໄທຄວບຄຸມພື້ນທີ່ຂອງລາວຢູ່ທາງທິດຕາເວັນຕົກຂອງແມ່ນ້ຳຂອງ, ມັນເປັນການເຄື່ອນໄຫວທີ່ເຮັດໃຫ້ປະເທດລາວອ່ອນແອລົງຢ່າງຫຼວງຫຼາຍ.

ສປປ ລາວ ໃນປະຈຸບັນ (ສາທາລະນະລັດປະຊາທິປະໄຕປະຊາຊົນ)

ປະເທດລາວສະໄໝໃໝ່ຖືກສ້າງຕັ້ງຂຶ້ນໂດຍ ເຈົ້າສຸພານຸວົງ ຜູ້ທີ່ນຳພາການຕໍ່ຕ້ານຂອງປະເທດລາວ "ປະເທດລາວບ້ານເກີດເມືອງນອນ" ຕໍ່ຕ້ານສະຫະລັດ. ພາຍຫຼັງສິ້ນສຸດສົງຄາມຫວຽດນາມ, ປະເທດລາວໄດ້ຖືເອົາຄອມມິວນິດເປັນແນວຄິດດ້ານການເມືອງທີ່ແທ້ຈິງຍ້ອນສາຍພົວພັນກັບຫວຽດນາມ. ສອງປະເທດໄດ້ເຮັດວຽກຮ່ວມກັນເພື່ອຕ້ານກັບກຳລັງອາເມລິກາ ແລະ ຮ່ວມກັນພົວພັນຊຶ່ງກັນແລະກັນ. ປະຈຸບັນ, ປະເທດລາວໄດ້ຮັກສາກົດລະບຽບຂອງພັກດຽວຂອງພັກຄອມມູນິດ, ໃນຂະນະທີ່ອະນຸຍາດໃຫ້ນັກລົງທຶນເຮັດການຕະຫຼາດເສລີ.

ໜ້າຫຼັກ

ປະຊາກອນແລະຊົນເຜົ່າ

ປະເທດລາວເປັນປະເທດໜຶ່ງທີ່ມີປະຊາກອນໜ້ອຍທີ່ສຸດໃນໂລກເຊິ່ງມີປະຊາກອນພຽງແຕ່ 6 ລ້ານຄົນ. ໃນຈຳນວນດັ່ງກ່າວ, ມັນປະກອບມີ 49 ຊົນເຜົ່າ.

ຄົນລາວທັງໝົດສາມາດແບ່ງອອກເປັນສາມກຸ່ມໃຫຍ່ທີ່ສາມາດເບິ່ງເຫັນໄດ້ຊັດເຈນ.

  1. ກຸ່ມທຳອິດແມ່ນປະຊາຊົນລາວໃນເຂດທົ່ງພຽງ, ຜູ້ທີ່ອາໄສຢູ່ໃນເຂດທົ່ງພຽງມີເຖິງ 68%, ເຊິ່ງມັນແມ່ນປະຊາກອນສ່ວນໃຫຍ່ຂອງປະຊາກອນທັງໝົດ.
  2. ກຸ່ມທີ່ສອງແມ່ນລາວເທິງ ແມ່ນກຸ່ມປະຊາກອນຜູ້ທີ່ອາໃສຢູ່ໃນພູພຽງໃນເຂດພູດອຍທາງພາກເໜືອ ແລະ ພາກໃຕ້, ສ່ວນໃຫຍ່ກຸ່ມນີ້ແມ່ນຊົນເຜົ່າຂະມຸ.
  3. ກຸ່ມທີ່ສາມແມ່ນກຸ່ມປະຊາກອນຜູ້ທີ່ອາໄສຢູ່ເທິງພູເຂົາ (ລາວສູງ), ພວກເຂົາສ່ວນຫຼາຍແມ່ນເຜົ່າມົ້ງ.

ໜ້າຫຼັກ

ລະບົບການເງິນໃນປະເທດລາວ

ສະກຸນເງິນຕາແຫ່ງຊາດລາວແມ່ນກີບ (LAK).

ໃນປະເທດນີ້ບໍ່ໄດ້ນຳໃຊ້ຫຼຽນ.

ຄຳແນະນຳ: "ຢູ່ປະເທດລາວ, ຈົ່ງໃຊ້ສະກຸນເງິນກີບ" ເພາະວ່າມັນເປັນວິທີທີ່ດີທີ່ສຸດໃນການຮັກສາເງິນ. ເງິນບາດ (ບາດ) ແລະ ເງິນໂດລາ (ໂດລາສະຫະລັດ) ແມ່ນເປັນທີ່ຍອມຮັບໃນທຸກຮ້ານ. ເຖິງຢ່າງໃດກໍ່ຕາມ, ໃນຮ້ານຄ້າບາງແຫ່ງສ່ວນຫຼາຍກໍ່ຕ້ອງການເງິນບາດເທົ່ານັ້ນໃນການຊື້ຂາຍແລກປ່ຽນ. ອັດຕາການແລກປ່ຽນທີ່ກຳນົດໄວ້ແມ່ນ 1ບາດໄທ ເທົ່າກັນ 250 ກີບ ແລະ 1 ໂດລາສະຫະລັດ ເທົ່າກັບ 8000 ກີບ ຫລື ຕາມອັດຕາຕະຫຼາດຂຶ້ນກັບປະໂຫຍດຂອງຜູ້ຂາຍ. ດັ່ງນັ້ນທ່ານສາມາດຖາມອັດຕາແລກປ່ຽນກ່ອນຊື້ ເພື່ອທີ່ຈະບໍ່ຖືກເອົາປຽບ.

ໜ້າຫຼັກ

ສິ່ງທີ່ຄວນເຮັດ ແລະ ບໍ່ຄວນເຮັດຢູ່ປະເທດລາວ

  1. ໃນການທັກທາຍກັນ, ເວລາພົບຜູ້ເຖົ້າ ຫຼື ຜູ້ທີ່ມີອາຍຸຫຼາຍກວ່າຕົນເອງຈະນົບ ແລະ ເວົ້າວ່າ ສະບາຍດີ. ຄືກັນກັບເວລາພົບໝູ່ ຫຼື ຄົນທີ່ອາຍູເທົ່າກັນກັບຕົນເອງຈະເວົ້າວ່າ ສະບາຍດີ ແລະ ຈັບມືກັນແທນການນົບ. 
  2. ທ່ານຕ້ອງນຸ່ງເຄື່ອງທີ່ສຸພາບຮຽບຮ້ອຍ ເມື່ອເຂົ້າໄປສະຖານທີ່ ທີ່ນັບຖືສາສະໜາເຊັ່ນ: ວັດ. ຜູ້ຊາຍຄວນນຸ່ງໂສ້ງຂາຍາວ ແລະ ເສື້ອສີສຸພາບ ແລະ ຜູ້ຍິງຄວນນຸ່ງສິ້ນ ຫຼື ກະໂປງທີ່ມີຄວາມຍາວເກີນຫົວເຂົ່າ. ຜູ້ຍິງສາມາດເຊົ່າສິ້ນໄດ້ ຢູ່ບ່ອນເຊົ່າສິ້ນທີ່ສະຖານທີ່ນັ້ນໄດ້ກະກຽມໃຫ້ນັກທ່ອງທ່ຽວເຊົ່າໄດ້.
  3. ຄູ່ຮັກບໍ່ຄວນສະແດງຄວາມຮັກຕໍ່ກັນເຊັ່ນ: ຈູບ ແລະ ກອດກັນໃນສະຖານທີ່ນັບຖືສາສະໜາ ຫຼື ສະຖານທີ່ບູຊາ. 
  4. ບໍ່ຄວນໃຊ້ຕີນ ຫຼື ນິ້ວຕີນຊີ້ໃສ່ສິ່ງຂອງຕ່າງໆ. ຄວນຢູ່ສະຖານທີ່ ທີ່ຕ່ຳກວ່າບ່ອນທີ່ບູຊາ ແລະ ຫ້າມຂຶ້ນໄປສູງກວ່າບ່ອນບູຊາຖ້າບໍ່ຈຳເປັນ. ເມື່ອເຂົ້າໄປເຮືອນຄົນອື່ນ, ວັດ ຫຼື ສະຖານທີ່ສັກສິດ ເຈົ້າຕ້ອງປົດເກີບ. ເມື່ອຍ່າງຜ່ານຄົນທີ່ຢູ່ຕ່ຳກວ່າຕົນເອງ ຕ້ອງໂຄ້ງ / ກົ້ມລົງໜ້ອຍໜຶ່ງ ເພື່ອສະແດງຄວາມເຄົາລົບ ຫຼື ເວົ້າວ່າ: "ຂໍໂທດເດີ" ກ່ອນຍ່າງກາຍ. 
  5. ການເອົາເຂົ້າໜົມໃຫ້ເດັກນ້ອຍ, ເຖິງແມ່ນວ່າມັນຈະເປັນຄວາມໃຈດີຂອງທ່ານ ແຕ່ມັນເບິ່ງເປັນການສົ່ງເສີມໃຫ້ເດັກນ້ອຍຂໍ ແລະ ເປັນການທຳລາຍ / ຕາມໃຈເດັກນ້ອຍຈົນເກີນໄປໂດຍທີ່ເຮົາບໍ່ຮູ້ຕົວ. ຖ້າເຈົ້າຕ້ອງການຊ່ວຍເດັກນ້ອຍ ສາມາດບອກໃຫ້ໜ່ວຍງານທີ່ກ່ຽວຂ້ອງ ຫຼື ຜູ້ທີ່ດູແລບ້ານມາຊ່ວຍເຫຼືອເດັກນ້ອຍທີ່ຢູ່ໃນພື້ນທີ່ໄດ້. 
  6. ຊື້ ຫຼື ຂາຍຢາເສບຕິດ / ຢາບ້າ ຫຼື ມີເພດສຳພັນກັບເດັກນ້ອຍທີ່ຍັງຢູ່ໃນການດູແລຂອງພໍ່ແມ່ / ເດັກນ້ອຍທີ່ຍັງຢູ່ໃນການດູແລຂອງກົດໝາຍ ຖືວ່າຜິດກົດໝາຍ ແລະ ຈະຖືກລົງໂທດຢ່າງຮ້າຍແຮງ. 
  7. ຖ້າເຈົ້າຕ້ອງການຖ່າຍຮູບຄົນອື່ນ ຫຼື ຖ່າຍຮູບພິທີກຳຕ່າງໆ ຕ້ອງຂໍອະນຸຍາດເຈົ້າຂອງກ່ອນ. ຫ້າມເປີດແສງ(Flash) ເວລາຖ່າຍຮູບພຮະ / ຈົວກຳລັງບິນທະບາດ ແລະ ຄົນທີ່ກຳລັງໃສ່ບາດຢູ່. ຫ້າມຖ່າຍຮູບເດັກນ້ອຍໃກ້ເກີນໄປ ແລະ ຫ້າມຖ່າຍໂດຍບໍ່ໄດ້ຮັບອະນຸຍາດຈາກຜູ້ປົກຄອງ. ຫ້າມຖ່າຍຮູບຫ້ອງການລັດຖະບານ, ໂດຍສະເພາະຄ້າຍທະຫານ ຫຼື ທະຫານຮັກສາຄວາມປອດໄພ ແລະ ໜ່ວຍງານທີ່ກ່ຽວຂ້ອງກັບຄວາມປອດໄພ. ຖ້າຝ່າຝືນຈະຖືວ່າເຮັດຜິດກົດໝາຍ ແລະ ຈະໄດ້ຮັບໂທດຢ່າງຈິງຈັງ. 
  8. ມັນເປັນຄວາມຄິດທີ່ດີທີ່ຊື້ສິ່ງຂອງ ຫຼື ສິນຄ້າຈາກໝູ່ບ້ານເພື່ອສະໜັບສະໜູນຊາວບ້ານ ແຕ່ເຈົ້າບໍ່ຄວນຊື້ວັດຖຸທີ່ເກົ່າແກ່ຈົນເກີນໄປ ແລະ ວັດຖຸບູຮານ ຫຼື ສິນຄ້າທີ່ກ່ຽວຂ້ອງກັບສັດປ່າ, ຖ້າຊື້ ກໍສາມາດເວົ້າໄດ້ວ່າເຈົ້າສະໜັບສະໜູນໃຫ້ໝູ່ບ້ານເຮັດສິ່ງຜິດກົດໝາຍໄດ້. 
  9. ຄວນຮັກສາຄວາມສະອາດໃນສະຖານທີ່ສາທາລະນະ ແລະ ຖິ້ມຂີ້ເຫຍື້ອໃຫ້ເປັນລະບຽບເພື່ອເປັນຕົວຢ່າງໃຫ້ແກ່ນັກທ່ອງທ່ຽວຄົນອື່ນໆ ແລະ ຊາວໜຸ່ມຍຸກໃໝ່ອີກດ້ວຍ. 

ໜ້າຫຼັກ

ການເດີນທາງມາປະເທດລາວ

ຍື່ນຂໍວີຊ່າທ່ອງທ່ຽວມາຍັງປະເທດລາວ

ປະເທດທີ່ເປັນສາມາຊິກຂອງອາຊຽນ ແລະ ປະເທດຕ່າງໆອີກຈຳນວນໜຶ່ງ (ເຊັ່ນ: ຍີ່ປຸ່ນ, ເກົາຫຼີໃຕ້, ມົງໂກເລຍ, ຣັດເຊຍ, ລັກເຊມເບີກ ແລະ ສະວິດເຊີແລນ) ທີ່ໄດ້ເຮັດຂໍ້ຕົກລົງຮ່ວມກັບປະເທດລາວແມ່ນຈະຖືກຍົກເວັ້ນໃນການຂໍວີຊ່າ. ສ່ວນປະເທດອື່ນໆຈະຕ້ອງຍື່ນຂໍວີຊ່າທ່ອງທ່ຽວດັ່ງນີ້: 

  1. ວີຊ່າເມື່ອເດີນທາງມາຮອດ (ປະມານ 30-42 USD ຂຶ້ນກັບສັນຊາດ) 
  2. ຍື່ນຂໍ E-Visa ຜ່ານທາງ https://www.visalaos.com/ (ລາຄາເລີ່ມຕົ້ນ 50 USD)
  3. ສະໝັກວີຊ່າປະເທດລາວຢູ່ທີ່ສະຖານທູດ ຫຼື ສະຖານກົງສຸນ

ເດີນທາງທາງອາກາດ 

ມີສະໜາມບິນສາກົນ 3 ແຫ່ງດັ່ງນີ້: ສະໜາມບິນຫຼວງພະບາງ, ສະໜາມບິນປາກເຊ ແລະ ສະໜາມບິນວັດໄຕຢູ່ວຽງຈັນ; ສະໜາມບິນເຫຼົ່ານີ້ເປັນປະຕູຫຼັກສູ່ປະເທດລາວ. ໃນປະຈຸບັນ, ປະເທດລາວມີຖ້ຽວບິນໂດຍກົງໄປຍັງປະເທດຕ່າງໆໃນພູມິພາກ (ເຊັ່ນ: ປະເທດໄທ, ຫວຽດນາມ, ກຳປູເຈຍ, ຈີນ, ສິງກະໂປ ແລະ ເກົາຫຼີ). ເສັ້ນທາງໃໝ່ຈາກຟຸກຸໂອກະ, ຍີ່ປຸ່ນຈະເລີ່ມໃນທ້າຍປີ 2019.

ຈຸດກວດເຂດຊາຍແດນທາງດິນ ແລະ ນ້ຳ 

ລາວ - ຈີນ

  • ແຂວງຜົ້ງສາລີ (ແລນຕຸ້ຍ, ຍອດອູ) - ປະເທດຈີນ (ເມືອງຄຳ) 
  • ແຂວງຫຼວງນ້ຳທາ (ບໍ່ເຕ່ນ) - ປະເທດຈີນ (ໂມຮັ່ນ) 
  • ທ່າເຮືອຊຽງກົກແຄມແມ່ນ້ຳຂອງ ຢູ່ແຂວງຫຼວງນ້ຳທາ

ລາວ - ມຽນມ່າ

  • ແຂວງບໍ່ແກ້ວ (ບ້ານ ເມືອງໝ່ຳ) - ມ່ຽນມ່າ (ວ່າງປົ່ງ) 

ລາວ - ໄທ

  • ແຂວງບໍ່ແກ້ວ (ຂົວມິດຕະພາບລາວ-ໄທ ຂົວທີ່4) ປະເທດໄທ (ຊຽງຂອງ) 
  • ແຂວງບໍ່ແກ້ວ (ສາມຫຼ່ຽມທອງຄຳ) - ປະເທດໄທ (ສາມຫຼ່ຽມທອງຄຳ)
  • ແຂວງໄຊຍະບູລີ (ແກ່ນທ້າວ) - ປະເທດໄທ (ນາກາເຊັງ-ເລີຍ) 
  • ແຂວງໄຊຍະບູລີ (ຜາແກ້ວ) - ປະເທດໄທ (ພູດູ) 
  • ແຂວງໄຊຍະບູລີ (ນ້ຳງື່ນ) - ປະເທດໄທ (ຫ້ວຍໂກ໋ນ, ນ່ານ) 
  • ນະຄອນຫຼວງວຽງຈັນ (ຂົວມິດຕະພາບລາວ-ໄທ ຂົວທີ່1 ) - ປະເທດໄທ (ໜອງຄາຍ) 
  • ນະຄອນຫຼວງວຽງຈັນ (ທ່ານາແລ້ງ, ຫາດຊາຍຟອງ) - ປະເທດໄທ (ໜອງຄາຍ) 
  • ແຂວງບໍລິຄຳໄຊ (ປາກຊັນ) - ປະເທດໄທ (ບຶງການ) 
  • ແຂວງຄຳມ່ວນ (ຂົວມິດຕະພາບລາວ-ໄທ ຂົວທີ່3) - ປະເທດໄທ (ນະຄອນພະນົມ) 
  • ແຂວງສະຫວັນນະເຂດ (ຂົວມິດຕະພາບລາວ-ໄທ ຂົວທີ່2) - ປະເທດໄທ (ມຸກດາຫານ) 
  • ແຂວງຈຳປາສັກ (ວັງທາວ) - ປະເທດໄທ (ຊ່ອງເມັກ) 

ລາວ - ຫວຽດນາມ 

  • ແຂວງຜົ້ງສາລີ (ປາງຮົກ) - ປະເທດຫວຽດນາມ (ໄທຈາງ ລາຍຈາວ) 
  • ແຂວງຫົວພັນ (ນ້ຳສວຍ) - ປະເທດຫວຽດນາມ (ນາແມວ) 
  • ຊຽງຂວາງ (ໜອງແຫດ) - ປະເທດຫວຽດນາມ (ນາມການ)
  • ແຂວງບໍລິຄຳໄຊ (ນ້ຳພ້າວ) - ປະເທດຫວຽດນາມ (ຈືທຽວ) 
  • ແຂວງຄຳມ່ວນ (ນາເພົາ) - ປະເທດຫວຽດນາມ (ຊາໂລ)
  • ແຂວງສະຫວັນນະເຂດ (ແດນສະຫວັນ) - ປະເທດຫວຽດນາມ (ລ່າວບາວ)
  • ແຂວງສາລະວັນ (ລະໄລ) - ປະເທດຫວຽດນາມ (ລະໄລ)
  • ແຂວງອັດຕະປື (ພູເກືອ) - ປະເທດຫວຽດນາມ (ກົນຕຸມ)

ລາວ - ກຳປູເຈຍ

  • ແຂວງຈຳປາສັກ (ເວີນຄຳ) - ປະເທດກຳປູເຈຍ (ດົງກຣາລໍ/ໜອງນົກຄຽນ)

ການເດີນທາງທາງລົດໄຟ (ທາງເສັ້ນທາງໃໝ່)

ໃນປະຈຸບັນ, ມີພຽງທາງລົດໄຟສາຍດຽວທີ່ໃຫ້ບໍລິການຮັບ-ສົ່ງ 2 ຖ້ຽວຕໍ່ມື້ຂ້າມແມ່ນ້ຳຂອງ, ເຊື່ອມຕໍ່ສະຖານີທ່ານາແລ້ງ ຈາກວຽງຈັນໄປຫາສະຖານີໜອງຄາຍ ປະເທດໄທ ແລະ ສິ້ນສຸດລົງທີ່ກຸງເທບ.

ການສ້າງທາງລົດໄຟຄວາມໄວສູງລາວ-ຈີນແມ່ນກຳນົດໃຫ້ສ້າງສຳເລັດໃນທ້າຍປີ 2021 ແລະ ການເດີນທາງຈາກໂມຮັ່ນ, ຢູນ່ານໄປຫາວຽງຈັນ ຈະໃຊ້ເວລາພຽງ 3 ຊົ່ວໂມງເທົ່ານັ້ນ ແທນການຂີີ່ລົດ 16 ຊົ່ວໂມງ. ປະເທດລາວຄາດວ່າຈະໄດ້ຮັບຜົນປະໂຫຍດຫຼາຍຢ່າງຈາກການເຊື່ອມຕໍ່ທາງບົກຂອງໄທ ແລະ ຈີນ. ຄາດວ່າໄທ ແລະ ຈີນຈະເຂົ້າມາທ່ອງທ່ຽວທີ່ລາວຫຼາຍຂຶ້ນ, ເພາະການເດີນທາງທີ່ປະຢັດຄ່າໃຊ້ຈ່າຍ ແລະ ການປະຢັດເວລາໃນການເດີນທາງ. ທາງລົດໄຟຈະມີສະຖານີຢູ່ເມືອງສຳຄັນຕ່າງໆເຊັ່ນ: ອຸດົມໄຊ, ຫຼວງພະບາງ, ວັງວຽງ ແລະ ວຽງຈັນ. 

ໜ້າຫຼັກ

ຂໍ້ມູນທີ່ເປັນປະໂຫຍດ

ສາຍດ່ວນສຸກເສີນໃນປະເທດລາວ:

ເບີໂທລົດສຸກເສີນ: 1195

ເບີໂທຕຳຫຼວດ: 1191

ກົມດັບເພີງ: 1190

ສູນຄວາມຊ່ວຍເຫຼືອສາກົນ: +66 2 205 7866 (ບາງກອກ, ປະເທດໄທ)

ໂຮງໝໍ

ສິ່ງທີ່ສຳຄັນທີ່ສຸດແມ່ນໂຮງໝໍ, ມີໂຮງໝໍຕັ້ງຢູ່ນະຄອນຫຼວງວຽງຈັນ, ນະຄອນຫຼວງພະບາງ, ປາກເຊ ແລະ ແຂວງອື່ນໆ, ມາດຕະຖານສຳລັບການດູແລຮັກສາແລະການບໍລິການທາງການແພດອາດຈະມີຂໍ້ຈຳກັດແລະຂໍ້ແຕກຕ່າງຈາກມາດຕະຖານໃນປະເທດຂອງເຈົ້າ.ໃນຂະນະທີ່ໂຮງໝໍຢູ່ນະຄອນຫຼວງວຽງຈັນອາດຈະມີພື້ນຖານການແພດຫຼາຍກວ່າ,ແຕ່ມາດຕະຖານທາງການແພດຂອງໂຮງໝໍທີ່ຢູ່ນອກຕົວເມືອງອາດຈະຫຼຸດລົງ.ສຳລັບປັນຫາທາງການແພດທີ່ຮຸນແຮງຂໍແນະນຳໃຫ້ໄປຮັກສາຢູ່ປະເທດໄທແທນ!ໜອງຄາຍ,ປະເທດໄທ,ເຊິ່ງເປັນໂຮງໝໍທີ່ໃກ້ທີ່ສຸດຈາກປະເທດລາວໄປຫາປະເທດໄທຜ່ານຂົວມິດຕະພາບ,ໃນຂະນະທີ່ອຸດອນທານີຢູ່ຫ່າງຈາກຊາຍແດນປະມານ60ກິໂລແມັດ.ລົດສຸກເສີນຈາກກຸ່ມໂຮງໝໍວັດທະນາແລະໂຮງໝໍເອກອຸດອນສາມາດເຂົ້າປະເທດລາວເພື່ອຍົກຍ້າຍຄົນເຈັບສຸກເສີນໄດ້. 

 

ໂຮງໝໍມະໂຫສົດ (ນະຄອນຫຼວງວຽງຈັນ)

ຖະໜົນຟ້າງຸ່ມ, ບ້ານເກົ້າຍອດ, ເມືອງສີສັດຕະນາກ

+856 (0)21214018/ +856 (0)21214022

 

ກຸ່ມໂຮງໝໍວັດທະນາ (ໜອງຄາຍ, ປະເທດໄທ) 

1159/4 ຖະໜົນປຣະຈັກ, ເມືອງ ເມືອງ, ໜອງຄາຍ, 43000

+66 (0)42465201

www.wattanahospital.net

ໂຮງໝໍເອກອຸດອນ (ອຸດອນທານີ, ປະເທດໄທ)

555/5 ຖະໜົນໂພສີ, ເມືອງ, ອຸດອນທານີ, 41000 ປະເທດໄທ

+66 (0)42342555/ +856 (0)19540954

http://aekudon.com

ໃນກໍລະນີສຸກເສີນກະລຸນາຕິດຕໍ່ປະກັນໄພຂອງເຈົ້າທັນທີ.ໂດຍທົ່ວໄປແລ້ວໂຮງໝໍອາດຈະຂໍໃຫ້ບຸກຄົນທີ່ກ່ຽວຂ້ອງຈ່າຍຄ່າຮັກສາເອງໂດຍບໍ່ໄດ້ຄຳນຶງເຖິງນະໂຍບາຍຂອງປະກັນໄພ;ນອກຈາກວ່າບໍລິສັດປະກັນໄພຂອງເຈົ້າຈະອອກໜັງສືຮັບຮອງໃຫ້.ເຈົ້າຄວນກວດສອບໃຫ້ແນ່ໃຈວ່າເຈົ້າມີເງິນພຽງພໍສຳລັບເຄຣດິດລະວ່າງປະເທດເພື່ອຄວບຄຸມຄ່າທຳນຽມລ່ວງໜ້າສຳລັບການຮັກສາໃນຕ່າງປະເທດແລະການສົ່ງກັບປະເທດ.ກ່ອນການເດີນທາງຄວນກວດສອບກັບບໍລິສັດປະກັນໄພເພື່ອໃຫ້ແນ່ໃຈວ່າຈະໄດ້ຮັບການຄຸ້ມຄອງ. 

 

ທົວສະເໝືອນຈິງແບບ 360 ອົງສາ