ຂີ່ບາລູນລົມຮ້ອນ

ມາຮ່ວມສຳຜັດປະສົບການການຂີ່ບາລູນຮ້ອນທີ່ສົມບູນແບບທີ່ສຸດໃນຊົນນະບົດໃກ້ກັບເມືອງວັງວຽງ. ຈອງຖ້ຽວບິນບາລູນໄດ້ທີ່ນີ້ ແລະ ວາງແຜນການຜະຈົນໄພຂອງທ່ານໄດ້ແລ້ວຕອນນີ້.

Above laos ຖືກສ້າງຕັ້ງໂດຍ Lao Airsports Club ເພື່ອເພີ່ມຄວາມປອດໄພ, ຄຸນະພາບດີ ແລະ ໄດ້ມາຕະຖານໃນການຂຶ້ນບິນບາລູນໃນປະເທດລາວ. ພວກເຮົາພູມໃຈຫຼາຍທີ່ໄດ້ໃບອະນຸຍາດໃນການຂີ່ບາລູນແຫ່ງທຳອິດໃນປະເທດລາວ!

ເຮົາສ້າງບາລູນຄືກັນກັບຕອນທີ່ທ່ານຂີ່ບາລູນຢູ່ປະເທດຝຮັ່ງ ທຸກຢ່າງເຮັດດ້ວຍງານຝີມື, ປະດິດດ້ວຍຄວາມລະມັດລະວັງ ແລະ ໄດ້ຮັບການຮອງຮັບຈາກ DGAC (Direction Générale de l ’Aviation Civile) ແລະ EASA (European Aviation Safety Agency). ເຮົາເລືອກທີ່ຈະບິນບາລູນຂະໜາດນ້ອຍຫາຂະໜາດກາງເພື່ອຄວາມສະດວກສະບາຍ ແລະ ປະສົບການທີດີທີສຸດໃຫ້ກັບທ່ານ.

ສະມາຊິກທຸກຄົນທັງຄົນທີ່ຢູ່ພາກພື້ນດິນ ແລະ ຂຶ້ນບິນ ໄດ້ຮັບການເຝິກຝົນແບບມືອາຊີບກັບຄວາມຮູ້ທີ່ດີທີ່ສຸດໃນເລື່ອງຂອງບາລູນໃນພື້ນທີ່. ຈະເຮັດໃຫ້ທ່ານຮູ້ສຶກວ່າເປັນໄດ້ຖືກຕ້ອນຮັບ ແລະ ເບິ່ງແຍງເປັນຢ່າງດີໃນລະຫວ່າງການຂຶ້ນຂີ່ບາລູນຂອງທ່ານ.

ສະມາຊິກທີ່ເຮັດວຽກກັບ Above Laos ເວົ້າພາສາລາວ, ອັງກິດ ແລະ ຝຮັ່ງເສດໄດ້.

ສະບາຍດີ. ພວກເຮົາແມ່ນ Above Laos! ຫຼື ພາສາລາວເອີ້ນວ່າ ເທິງຟ້າລາວ!. ເທິງຟ້າລາວເປັນບໍລິສັດບາລູນ ສັນຊາດ ລາວ-ຝຮັ່ງ ຂະໜາດນ້ອຍ. ເປົ້າໝາຍຂອງເຮົາແມ່ນ: ການກຳນົດມາຕະຖານຄວາມປອດໄພ ແລະ ຄຸນນະພາບສູງສຸດໃນລາວດ້ວຍບາລູນແບບຂອງຝຮັ່ງທີ່ໄດ້ຮັບການເບິ່ງແຍງເປັນຢ່າງດີ, ນັກບິນມື້ອາຊີບໄດ້ຮັບການຢັ້ງຢືນລະດັບສາກົນ, ຜູ້ຊ່ວຍເທິງບາລູນທີ່ເອົາໃຈໃສ່ເປັນຢ່າງດີ ແລະ ການປະຕິບັດຕາກົດລະບຽບຂອງການບິນພົນລະເຮືອນ.

ເໜືອສິ່ງອື່ນໃດພວກເຮົາຍັງຫຼົງໄຫຼກ່ຽວກັບເລື່ອງການບິນບາລູນຢູ່ ແລະ ກໍ່ຢາກແບ່ງປັນຄວາມສວຍງາມຂອງທິວທັດອີກມຸມໜຶ່ງໃນຕອນທີ່ເຮົາລອຍຢູ່ເທິງອາກາດ.

• ມາດຕະຖານຄວາມປອດໄພຈາກການບິນພົນລະເຮືອຂອງເອຣົບ, ອຸປະກອນມາຈາກປະເທດຝຣັ່ງ, ນັກບິນທີ່ໄດ້ຮັບໃບຢັ້ງຢືນລະດັບສາກົນ ແລະ ການຕ້ອນຮັບຂອງຊາວລາວ.
• ມີບໍລິການລົດຕູ້ຮັບ-ສົ່ງເຖິງທີ່ພັກຢ່າງສະດວກສະບາຍ.
• ການສະຫຼຸບໂດຍຫຍໍ້ກ່ອນການຂຶ້ນບິນ, ດື່ມກາເຟ ແລະ ຊາກັບນັກບິນຂອງເຮົາ.
• ການກະກຽມ ແລະ ການເປົ່າລົມບາລູນ.
• ຂີ່ບາລູນ 35 ນາທີ ເຖິງ 1 ຊົ່ວໂມງ 15 ນາທີ ໂດຍຂຶ້ນຢູ່ກັບສະພາບອາກາດ​ (ເຮົາພະຍາຍາມກຳນົດການບິນຢູ່ປະມານ 1 ຊົ່ວໂມງ ແຕ່ບໍ່ສາມາດຮັບປະກັນໄດ້ຫາກລົມພາເຮົາໄປຜິດທິດທາງ! ປອດໄພໄວ້ກ່ອນ).
• ຫຼັງຈາກຮັບປະທານອາຫານເຊົ້າ / ອາຫານຫວ່າງທີ່ Pilot's Café ແລ້ວ, ຮ່ວມດື່ມແຊັມເປນກັບນັກບິນ ແລະ ຮັບໃບຢັ້ງຢືນເພື່ອເປັນຂອງທີ່ລະນຶກ.
• ໃຊ້ເວລາປະມານ 3 ຊົ່ວໂມງ.
• ເຮົາຈະຄືນເງິນໃຫ້ທ່ານເຕັມຈຳນວນຖ້າຫາກວ່າມີການຍົກເລີກຖ້ຽວບິນທີ່ເນື່ອງມາຈາກສະພາບອາກາດ.

• ມີບໍລິການລົດຕູ້ຮັບ-ສົ່ງ ຮອດທີ່ພັກໃນວັງວຽງ 
• ຂີ່ບາລູນ 1 ເທື່ອ ຫຼື 1 ຖ້ຽວບິນ 
• ບໍລິການອາຫານເຊົ້າແບບເບົາໆ ຫຼື ອາຫານຫວ່າງ ແລະ ວາຍ 1 ຈອກ 
• ມີໃບຢັ້ງຢືນໃຫ້

ໃສ່ເສື້ອຜ້າທີ່ສະດວກສະບາຍ, ໂສ້ງຂາຍາວ ແລະ ເກີບບັງຕຸບ ໃນກໍລະນີທີ່ເຮົາລົງຈອດທີ່ທົ່ງນາ ຫຼື ຂີ້ຕົມ. ເອົາກ້ອງ ແລະ ກະເປົານ້ອຍໆຂອງທ່ານໄປນຳກໍ່ໄດ້ ຖ້້າຕ້ອງການ. ແຕ່ເຮົາບໍ່ແນະນຳເອົາກະເອົາໃຫຍ່ ຫຼື ອຸປະກອນລາຄາແພງໄປນຳ.

• ກ້ອງຖ່າຍຮູບ
• ນ້ຳດື່ມ
• ແວ່ນຕາກັນແດດ
• ຄີມກັນແດດ

ບາລູນລົມຮ້ອນມີຖ້ຽວບິນຕອນເຊົ້າ ຫຼື ຕອນບ່າຍ ທີ່ບ້ານນາທອງ / ຮ່ອມພູເຂົາໂພນຄຳ, ເມືອງວັງວຽງ. ທ່ານຈະໄດ້ຮັບປະສົບການທີ່ໜ້າຕື່ນເຕັ້ນປະມານ 30 ນາທີ ຫາ 1 ຊົ່ວໂມງ 15 ນາທີ. ຂຶ້ນຢູ່ກັບສະພາບອາກາດ (ລົມ, ວິໄສທັດ, ຄວາມປັ່ນປ່ວງຂອງອາກາດ,​ ຝົນ ແລະ ອື່ນໆ)

ບາລູນທັງສອງເປັນບາລູນໃໝ່ ແລະ ຜະລິດໃນປະເທດຝຣັ່ງເສດໂດຍ ບໍລິສັດ "Balloons Chaize". ພວກເຂົາໄດ້ການຢັ້ງຢືນຈາກມາດຕະຖານ EASA ແລະ ຈົດທະບຽນກັບກົມການບິນພົນລະເຮືອນຂອງປະເທດລາວ. ໃບຢັ້ງຢືນການສົມຄວນເດີນອາກາດຂອງພວກເຂົາຢູ່ໃນສະຖານະທີ່ດີ ແລະ ການບຳລຸງຮັກສາຂແງພວກເຂົາຈະເຮັດໄດ້ແບບມືອາຊີບໂດຍຜູ້ຜະລິດຈະມີການກວດສອບປະຈຳປີໂດຍໜ່ວຍງານການບິນພົນລະເຮືອນ. ພວກເຂົາຈະປະກັນຄວາມຮັບຜິດຊອບຂອງບຸກຄົນທີ່ສາມເຊັ່ນດຽວກັບຜູ້ໂດຍສານ. ນັກບິນໄດ້ຮັບອະນຸຍາດຈາກກົມການບິນພົນລະເຮືອນຂອງປະເທດລາວ.

ບາລູນ 1: ຂະໜາດ 3000m2 ສຳລັບຜູ້ໂດຍສານ 4 ຄົນ + ນັກບິນ

ບາລູນ 2: ຂະໜາດ 5000m2 ສຳລັບຜູ້ໂດຍສານ 8 ຄົນ + ນັກບິນ

ທ່ານມັກການຕື່ນເຊົ້າຫຼືບໍ່. ການຂຶ້ນບາລູນຕ້ອງມີສະພາບອາກາດທີ່ໝັ້ນຄົງ ແລະ ສະພາບອາກາດບໍ່ຄວນຮ້ອນເກີນໄປ ນັ້ນເປັນເຫດຜົນວ່າເປັນຫຍັງເຮົາຕ້ອງອອກເດີນທາງຕັ້ງແຕ່ເຊົ້າໆ ຫຼື ຕອນກ່ອນມືດ ແລະ ເຮົາຍັງໄດ້ເພີດເພີນໄປກັບຕາເວັນຂຶ້ນ ຫຼື ຕົກດິນເປັນຂອງແຖມອີກ.

ກຽມພ້ອມ! ອາກາດສາມາດປ່ຽນແປງໄດ້, ບໍ່ສາມາດກຳນົດທິດທາງລົມໄດ້ ຫຼື ຄວາມຮ້ອນອາດຈະແຮງເກີນໄປ. ເຊື່ອໃຈພວກເຮົາໄດ້ຫາກທ່ານບໍ່ຕ້ອງການຕິດຢູາໜ້າຜາຂອງວັງວຽງ. ຄວາມປອດໄພຂອງທ່ານເປັນສິ່ງທີ່ເຮົາໃຫ້ຄວາມສຳຄັນສະເໝີ. ດັ່ງນັ້ນເຮົາຈະຍົກເລີກຖ້ຽວບິນຕ່າງໆທີ່ເຮົາທີ່ເຮົາບໍ່ສາມາດຄາດວ່າຈະລອຍຂຶ້ນໄດ້ 100%. ຈົ່ງຈື່ໄວ້ວ່ານັກບິນຂອງເຮົາມີຄວາມຮັບຜິດຊອບສູງ ແລະ ຈະບໍ່ມີຄວາມສ່ຽງໃດໆ. ດັ່ງນັ້ນຢ່າຜິດຫວັງຫາກມີການຍົກເລີກໃນນາທີສຸດທ້າຍ (ບາງເທື່ອບາລູນອາດຈະກຽມພ້ອມທີ່ຈະລອຍແລ້ວ). ແນ່ນອນເຮົາຈະພະຍາຍາມຈັດກຳນົດການຂຶ້ນບິນໃໝ່ ຫຼື ຄືນເງິນໃຫ້ທ່ານຕາມທີ່ທ່ານຕ້ອງການ.

• ຜູ້ປະກອບການຂໍສະຫງວນສິດໃນການຍົກເລີກຖ້ຽວບິນເນື່ອງຈາກສະພາບອາກາດ. ໃນກໍລະນີນັ້ນການຈອງຈະຖືກຍົກເລີກ ແລະ ຄືນເງິນໃຫ້ລູກຄ້າເຕັມຈຳນວນ.
• ເພື່ອເຫດຜົນດ້ານຄວາມປອດໄພນັກບິນທີ່ອອກຄຳສັ່ງສາມາດປະຕິເສດຜູ້ໂດຍສານໄດ້ຖ້າຫາກວ່າເປັນໄປຕາມການວິຈາລະນະຍານຂອງລາວເອງ.
• ຜູ້ໂດຍສານທີ່ມີທາດເມົາໃນຮ່າງການ, ມີການປະພຶດຕົນທີ່ເປັນອັນຕະລາຍ ແລະ ອື່ນໆ. ໃນກໍລະນີນັ້ນຜູ້ໂດຍສານຈະໄດ້ຮັບເງິນຄືນ.
• ໃນກໍລະນີທີ່ຕື່ນສວາຍ ຫຼື ມາຊ້ານັ້ນພວກເຮົາສາມາດປະນີປະນອມໄດ້ຖ້າຫາກເປັນຖ້ຽວບິນເປັນກຸ່ມ, ຜູ້ປະກອບການຂໍສະຫງວນສິດໃນການຍົກເລີກຖ້ຽວບິນສຳລັບລູກຄ້າເພື່ອໃຫ້ຖ້ຽວບິນສາມາດບິນຂຶ້ນໄດ້. ໃນກໍລະນີີນັ້ນ, ບໍ່ສາມາດຮຽກຮ້ອງຄ່າຊົດເຊີຍກັບຜູ້ດຳເນີນການໄດ້.

1. ເນື່ອງຈາກມີຈຳນວນຈຳກັດ, ຈຶ່ງສາມາດຈອງໄດ້ສູງສຸດ 12 ຄົນ ຕໍ່ຖຽວບິນ (ເຊົ້າ ຫຼື ບ່າຍ).

   *ຈຳນວນຜູ້ເຂົ້າຮ່ວມຂຶ້ນຢູ່ກັບນ້ຳໜັກລວມຂອງກຸ່ມ ແລະ ສະພາບອາກາດ

2. ເດັກນ້ອຍຈະຕ້ອງມີອາຍຸຢ່າງໜ້ອຍ 6 ປີ ແລະ ສູງ 100 ຊມ. ຂຶ້ນໄປ. ເດັກຈະຕ້ອງໄດ້ມາພ້ອມກັບພໍ່ແມ່ ຫຼື ຜູ້ປົກຄອງຕາມກົດໝາຍ.

3. ຜູ້ຍິງຖືພາບໍ່ອະນຸຍາດໃຫ້ຮ່ວມບິນ.

4. ນະໂຍບາຍການຍົກເລີກ 

• 7 ວັນກ່ອນຂຶ້ນບິນ: ຈະໄດ້ຮັບເງິນຄືນ 90% 

• 6 ວັນ ເຖິງ 48 ຊົ່ວໂມງ ກ່ອນຂຶ້ນບິນ: ຈະໄດ້ຮັບເງິນຄືນ 50% 

• ໜ້ອຍກວ່າ 48 ຊົ່ວໂມງ ກ່ອນຂຶ້ນບິນ: ຈະບໍ່ໄດ້ຮັບເງິນຄືນ

5. ການຂໍປ່ຽນວັນທີ 

• ການເລື່ອນ ຫຼື ປ່ຽນວັນທີ່ເມື່ອມີການຂໍປ່ຽນ ແລະ ຢືນຢັນການຈອງແລ້ວແມ່ນໄດ້ຮັບອະນຸຍາດ 1 ຄັ້ງ, ແຕ່ລູກຄ້າຈະຕ້ອງໄດ້ເລືອກວັງທີ່ໃໝ່ໃນໄລຍະເວລາ 30 ວັນ.
• ການປ່ຽນວັນທີ່ຈະຕ້ອງໄດ້ຂໍກ່ອນຢ່າງໜ້ອຍ 7 ວັນກ່ອນຂຶ້ນບິນ ແລະ ຈະຂຶ້ນຢູ່ກັບຄວາມພ້ອມໃນການໃຫ້ບໍລິການ.

6. ຈົ່ງໃຫ້ລາຍລະອຽດຕໍ່ໄປນີ້ກັບເຮົາ:

• ວັນ ແລະ ເວລາຂຶ້ນບິນ (ເຊົ້າ ຫລື ບ່າຍ)
• ຊື່ ແລະ ນາມສະກຸນ
• ສັນຊາດ
• ອາຍຸ
• ນ້ຳໜັກ
• ທີ່ຢູ່ໃນວັງວຽງເພື່ອບໍລິການຮັບສົ່ງ

7. ຕາຕະລາງໃນການບິນ

• ຕອນເຊົ້າ: ລະຫວ່າງ 06:00ໂມງ ແລະ 06:30ໂມງ ຂຶ້ນຢູ່ກັບລະດູການ. ພວກເຮົາຈະໄປຮັບທ່ານໂຮງແຮມ ຫຼື ບ້ານພັກກ່ອນ 30-40ນາທີກ່ອນທີ່ບາລູນຈະຂຶ້ນ.
• ຕອນສວາຍ:ລະຫວ່າງ 16:00ໂມງ ແລະ 16:30ໂມງ ຂຶ້ນຢູ່ກັບລະດູການ. ພວກເຮົາຈະໄປຮັບທ່ານໂຮງແຮມ ຫຼື ບ້ານພັກກ່ອນ 30-40ນາທີກ່ອນທີ່ບາລູນຈະຂຶ້ນ.

8. ການບໍລິການອື່ນໆ

 ການຂຶ້ນບິນແບບເໝົາສາມາດຈັດກຸ່ມສຳລັບ 3 ຫາ 12 ຄົນສຳລັບໂອກາດພິເສດດັ່ງນີ້:

• ວັນຄົບຮອບ
• ການຖ່າຍພຮີ-ເວດດິ້ງ
• ການເດີນທາງເພື່ອທຸລະກິດ ຫຼື ອົງກອນ
• ງານຖະແຫຼງຂ່າວ
• ງານເປີດຕົວຜະລິດຕະພັນ
• ງານອີເວັນທຸກປະເພດ

ກະລຸນາສອບຖາມຂໍ້ມູນເພີ່ມຕື່ມກ່ອນເພາະເຮົາຍິນດີທີ່ຈະປັບແຕ່ງກິດຈະກຳຕ່າງໆຕາມມາດຕະຖານຂອງທ່ານ. ກະລຸນາກຳນົດວັນ, ເວລາ, ລາຍລະອຽດຂອງງານ, ຄວາມຄາດຫວັງ ແລະ ຮູບແບບຂອງງານເພາະເຮົາຈະໄດ້ຮ່ວມມືກັນເພື່ອສົ່ງມອບຊ່ວງເວລາທີ່ມີຄ່າ ແລະ ໜ້າຈື່ຈຳຂອງທ່ານ.

ໃຈເຢັນ!

ການຂີ່ບາລູນເປັນກິດຈະກຳທີ່ປອດໄພ ແລະ ບໍ່ຕ້ອງອອກກຳລັງກາຍໃນທຸກລະດັບ. ທ່ານພຽງແຕ່ຕ້ອງປີນເຂົ້າໄປໃນກະຕ່າ ແລະ ຢືນປະມານ 1 ຊົ່ວໂມງ. ເຖິງຢ່າງໃດກໍ່ຕາມທ່ານບໍ່ສາມາດຂຶ້ນບິນນຳພວກເຮົາໄດ້ ຖ້າຫາກທ່ານກຳລັງຖືພາ ຫຼື ເປັນໂລກຫົວໃຈຢ່າງຮຸນແຮງ. ຖ້ານາກທ່ານມີບັນຫາສຸຂະພາບທີ່ສະເພາະເຈາະຈົງເຊັ່ນ: ມີບັນຫາກ່ຽວກັບຫົວເຂົ່າ, ປວດຫຼັງ, ວິນຫົວ,...ກະລຸນາແຈ້ງກັບຜູ້ຈັດການ ຫຼື ນັກບິນຂອງພວກເຮົາ.