ຮຽນເຮັດເຄື່ອງປັ້ນດິນເຜົາເຄິ່ງມື້ (ເຕັມແພັກເກັດ)

ປະເທດລາວເປັນທັງບ້ານ ແລະ ຫ້ອງຮຽນການປັ້ນດິນເຜົາແມ່ນການຫຼົງໄຫຼຂອງເຮົາ.

ພວກເຮົາແມ່ນຄອບຄົວທ່ານລຳເພັດ ແລະ ມັນເປັນຄວາມຕັ້ງໃຈຂອງພວກເຮົາສຳລັບການສຳພັດປະສົບການທີ່ດີທີ່ສຸດເມື່ອທ່ານໄດ້ມາທ່ຽວປະເທດລາວ. ພວກເຮົາເລີ່ມເຮັດການທ່ອງທ່ຽວເຊີງຄວາມຮູ້ກ່ຽວເຄື່ອງປັ້ນດິນເຜົາ ແລະ ອາຫານລາວ ຮ່ວມກັບກົມທ່ອງທ່ຽວນະຄອນຫຼວງພະບາງໃນໝູ່ບ້ານຂອງພວກເຮົາ ເພາະວ່າເຮົາຮູ້ສຶກວ່າອັນຍະມະນີຂອງປະເທດລາວຖືກຄົ້ນພົບໃນກຸ່ມຄົນທີ່ເອີ້ນວ່າບ້ານ. ຜ່ານການທ່ຽວຊົມເຄື່ອງປັ້ນດິນເຜົາຂອງເຮົາແລ້ວ ພວກເຮົາກໍ່ຫວັງວ່າຈະເຮັດໃຫ້ທ່ານໄດ້ສຳພັດປະສົບການແບບໃໝ່ກັບຜູ້ຄົນເຫຼົ່ານີ້, ປະຫວັດສາດ-ວັດທະນາທຳ ແລະ ອາຫານຂອງພວກເຂົາ

ພວກເຮົາຫຼົງໄຫຼໃນການອະນຸລັກປະຫວັດສາດ ແລະ ປະເພນີດັ່ງເດີມຂອງໝູ່ບ້ານເຮົາມາແສນນານແລ້ວ. ບ້ານຈ່ານເໜືອເຮັດເຄື່ອງປັ້ນດິນເຜົາມາຫຼາຍສັດຕະວັດແລ້ວ, ແຕ່ວິຖີຊີວິດແບບນັ້ນກໍ່ຄ່ອຍໆຫ່າງຫາຍໄປ. ຄວາມຫວັງຂອງເຮົາຄືການໃຊ້ການທ່ອງທ່ຽວເຫຼົ່ານີ້ເພື່ອຮັກສາປະເພນີອັນດັ່ງເດີມຂອງໝູ່ບ້ານເຮົາ ແລະ ຊ່ວຍໃຫ້ຊາວບ້ານນີ້ມີວິຖີຊີວິດທີ່ຍືນຍົງໄປນຳໃນຂະນະດຽວກັນນັ້ນກໍ່ຍັງສະແດງໃຫ້ໂລກໄດ້ເຫັນເຖິງສິ່ງທີ່ພິເສດທີ່ເຮັດໃຫ້ເຮົາພູມໃຈທີ່ໄດ້ເອີ້ນປະເທດລາວວ່າບ້ານ.

ພວກເຮົາຮູ້ວ່າທ່າຈະຫຼົງຮັກປະເທດລາວ ແລະ ສິ່ງທີ່ພວກເຮົາມອບໃຫ້.

ການໃຊ້ເຄື່ອງດິນເຜົາໃນລາວນັ້ນສ່ວນໃຫຍ່ແມ່ນມີປະໂຫຍດຫຼາຍເຖິງແມ່ນວ່າຈະບໍ່ມີແບບ ແລະ ລວດລາຍຕ່າງໆໃນເຄື່ອງປັ້ນດິນເຜົາຂອງຄົນລາວ. ມັນກໍ່ມີຄວາມງາມຄ້າຍຄືກັບເຄື່ອງໃຊ້ໃນຄົວເຮືອນທົ່ວໄປທີ່ເຮົາເຄີຍໃຊ້ໃນສະໄໝກ່ອນ.

ເພື່ອໃຫ້ສອດຄ່ອງກັບປະເພນີການຜະລິດເຄື່ອງປັ້ນດິນເຜົາຂອງລາວ, ສະຖານທີ່ຕັ້ງຢູ່ກົງກັນຂ້າມກັບແມ່ນ້ຳຂອງ ໃຊ້ເວລາເດີນທາງດ້ວຍເຮືອພຽງ 10 ນາທີ ຈາກຕົວເມືອງຫຼວງພະບາງ, ບ້ານຈ່ານ ເປັນບ້ານທີ່ຮູ້ຈັກກັນທີ່ໃນຖານະເປັນສະຖານທີ່ຍອດນິຍົມເລື່ອງການຜະລິດເຄື່ອງປັ້ນດິນເຜົາທີ່ມີຄຸນະພາບທີ່ດີທີ່ສຸດ ແລະ ມີປະຫວັດຄວາມເປັນມາທີ່ຍາວທີ່ສຸດດ້ວຍຝີໄມ້ລາຍມືການປັ້ນແບບດັ່ງເດີມ. ແລະ ຊິມີຫຍັງດີໄປກວ່າການໄດ້ສຳພັດກັບງານສີມືແບບດັ່ງເດີມນີ້ດ້ວຍການລົງປະຕິບັດປັ້ນຕົວຈິງ ແລະ ສົກກະປົກກັບເຄື່ອງປັ້ນດິນເຜົາທີ່ເປັນອັນຕົ້ນແບບຂອງເຮົາໃນການເວີກຊອບທີ່ທ່ານຈະໄດ້ເຮັດເຄື່ອງປັ້ນດິນເຜົາຂອງທ່ານເອງ. :)

ໝາຍເຫດ: ຂະບວນການເຜົາຈະໄດ້ໃຊ້ເວລາປະມານ 7 ມື້, ດັ່ງນັ້ນຖ້າຫາກທ່ານຢູ່ຫຼວງພະບາງຫຼາຍກວ່າ 7 ມື້, ພວກເຮົາສາມາດເຜົາໄວ້ໃຫ້ ແລະ ນຳເອົາໄປໄວ້ໃຫ້ໂຮງແຮມຂອງທ່ານໄດ້. ຖ້າບໍ່ດັ່ງນັ້ນ, ທ່ານສາມາດນຳເອົາຜະລິດຕະພັນຂອງເຮົາກັບບ້ານກ່ອນກໍ່ໄດ້.

ລາຍລະອຽດການເດີນທາງຈະເລີ່ມຕົ້ນຈາກການທ່ຽວສູນໝູ່ບ້ານເຄື່ອງປັ້ນດິນເຜົາ 90 ນາທີ, ພ້ອມທັງຮຽນຮູ້ກ່ຽວກັບວິຖີຊີວິດຂອງຄົນເຂດນັ້ນ. ຕໍ່ໄປແມ່ນການສາທິດເຕັກນິກການໃຊ້ເຄື່ອງປັ້ນດິນເຜົາ ເຊິ່ງຈະໃຊ້ເວລາຢູ່ປະມານ 1 ຊົ່ວໂມງ ຈະບັນຍາຍໂດຍຄອບຄົວຄົນທ້ອງຖິ່ນນັ້ນ ຕາມດ້ວຍໂອກາດໃນການລົງປະຕິບັດຕົວຈິງກັບແຂກທຸກໆຄົນລວມທັງເດັກນ້ອຍ ແລະ ທົວນີ້ຈະຈົບລົງທີ່ການຮັບປະທານອາຫານລາວ.

ທ່ານລຳເພັດ ເຊື່ອວ່າການທ່ອງທ່ຽວເຊີງຄວາມຮູ້ກ່ຽວເຄື່ອງປັ້ນດິນເຜົາ ແລະ ອາຫານລາວແມ່ນໄດ້ມອບປະສົບການທີ່ນັກທ່ອງທ່ຽວຕ້ອງການ. “ນັກທ່ອງທ່ຽວທີ່ມາທ່ຽວປະເທດລາວເພາະຕ້ອງເຫັນມຸມທີ່ອາຊີຕາເວັນອອກສຽງໃຕ້ທີ່ຍັງບໍ່ມີໃຜເຄີຍເຫັນ. ພວກເຂົາຕ້ອງການໃຫ້ໂລກໄດ້ເຫັນຄວາມງາມ, ສະຖານທີ່ ແລະ ຜູ້ຄົນ ໃນພື້ນທີ່ນີ້ສາມາດປ່ຽນວິທີການເບິ່ງໂລກຂອງທ່ານໄດ້. ພວກເຮົາຮູ້ວ່າການທ່ຽວຊົມເຄື່ອງປັ້ນດິນເຜົາຂອງເຮົາຈະຊ່ວຍໃຫ້ທ່ານໄດ້ອອກຈາກປະເທດລາວໃຫ້ຮູ້ສຶກຄືກັນວ່າທ່ານໄດ້ພົບສິ່ງທີ່ທ່ານກຳລັງເບິ່ງຫາຢູ່”

ທົວຈະຈົບລົງດ້ວຍການທີ່ຄອບຄົວທ່ານລຳເພັດຈະເຮັດອາຫານຂຶ້ນຊື່ຫຼວງພະບາງແບບດັ່ງເດີມໃຫ້ກິນເຊັ່ນສ່າ: ໄຄແຜ່ນ, ປິ້ງປາ, ແຈ່ວໝາກເຂືອ ແລະ ຕຳໝາກຮຸ່ງແຊບໆ.

ທ່ານລຳເພັດໄດ້ກ່າວວ່າ “ຈຸດເດັ່ນອີກຢ່າງໜຶ່ງຂອງປະເທດລາວແມ່ນການເຮັດອາການໃຫ້ແຊບຢູ່ຕະຫຼອດ ແລະ ເອົາໃຈໃສ່ເຮັດມັນດ້ວຍຄວາມຮັກສະເໝີ”, “ວັດຖຸດິບທັງໝົດມາຈາກສວນຂອງຄົນທ້ອງຖິ່ນ ແລະ ອາດຈະມາຈາກສວນຜັກປອດສານຜິດຈາກສວນເຮົາເອງທີ່ເກີດຕາມລະດູການ”.

ເພີດເພີນໄປກັບທິວທັດທີ່ງົດງາມຂອງພູເຂົາໃນຂະນະທີ່ເຮົານັ່ງເຮືອໄປທີ່ໝູ່ບ້ານເຄືອງປັ້ນດິນເຜົາ. ທ່ຽວຊົມໝູ່ບ້ານເຄື່ອງປັ້ນດິນເຜົາທີ່ເຊື່ອງຢູ່ກົງກັນຂ້າມກັບເມືອງຫຼວງພະບາງ ແລະ ບໍ່ຄ່ອຍມີນັກທ່ອງທ່ຽວຫຼາຍຄົນຮູ້ຈັກ. ຢູ່ໃນໝູ່ບ້ານນັ້ນ, ທ່ານຈະໄດ້ຮຽນຮູ້ວິທີການປັ້ນໝໍ້ລໍ່ໄຫ ແລະ ສຳພັດກັບປະສົບການການເຮັດເຄື່ອງປັ້ນດິນເຜົາໂດຍໃຊ້ເທັກນິກຂອງຄົນລາວແບບດັ່ງເດີມພ້ອມທັງຄຳແນະນຳຂອງຄົນໃນທ້ອງຖິ່ນທີ່ພາທ່ານສ້າງສັນເຄື່ອງປັ້ນດິນເຜົາຂອງທ່ານເອງ. ໃນຂະນະທິີ່ທ່ານກຳລັງປັ້ນຢູ່ນັ້ນທ່ານສາມາດລົມກັບຄົນພື້ນທີ່ເພື່ອທຳຄວາມເຂົ້າໃຈກ່ຽວກັບວິຖີຊີວິດຂອງເຂົາເຈົ້າຕື່ມໄດ້. ແລະສຸດທ້າຍເຮົາຈະເພີດເພີນກັບອາຫານລາວທ້ອງຖິ່ນທີ່ເຮັດມາຈາກວັດຖຸດິບທີ່ສົດໃໝ່ໃນສວນຂອງຄົນໃນທ້ອງຖິ່ນເອງ.

• ບໍລິການຮັບ-ສົ່ງຈາກໂຮງແຮມ
• ອາຫານທ່ຽງ​ / ອາຫານແລງ
• ທ່ຽວຊົມໝູ່ບ້ານ
• ວັດຖຸທີ່ຈຳເປັນໃນການລົງປະຕິບັດຕົວຈິງ

ໃສ່ເສື້ອຜ້າ ແລະ ເກີບສະບາຍໆ.

• ເຈລລ້າງມື
• ຢາກັນຍຸງ
• ຂວດນ້ຳ
• ໝວກ
• ນຳເສື້ອກັນຝົນ ຫຼື ຄັນຮົ່ມມານຳ ເມື່ອຮອດລະດູຝົນ (ລະດູຝົນຈະເລີ່ມຈາກເດືອນເມສາເຖິງກາງເດືອນຕຸລາ)

• ທົວນີ້ຕ້ອງມີຜູ້ເຂົ້າຮ່ວມຢ່າງໜ້ອຍ 2 ຄົນຂຶ້ນໄປ.
• ເປັນວິທີແບບດັ່ງເດີມທີ່ໃຊ້ໃນການເຜົາໝໍ້, ມັນຈະໃຊ້ເວລາໃນການເຜົາຫຼາຍອາທິດ. ຂໍອະໄພທີ່ຕ້ອງແຈ້ງໃຫ້ທ່ານຮູ້ວ່າທ່ານຈະບໍ່ສາມາດນຳເອົາຜົນງານທ່ານກັບໄປໄດ້. ແຕ່ເຖິງຢ່າງໃດກໍ່ຕາມທ່ານສາມາດນຳເອົາຂອງເຮົາກັບໄປເປັນທີລະນຶກໄດ້.

ນະໂຍບາຍສຳລັບເດັກນ້ອຍ

• ເດັກແອນ້ອຍ - 3 ປີ (ສູງສຸດ 2 ຄົນ) ສາມາດມານຳຜູ້ປົກຄອງໄດ້ຟຮີ
• ເດັກນ້ອຍອາຍຸ 4-12ປິ ແມ່ນ ຫຼຸດ 50% ຈາກລາຄາທັງໝົດ

ການຍົກເລີກ 

• ການຍົກເລີກຕ້ອງໄດ້ແຈ້ງລ່ວງໜ້າ 2 ມື້ກ່ອນທົວເລີ່ມເພື່ອຫຼີກລ່ຽງຄ່າໃຊ້ຈ່າຍຕ່າງໆ

• Please be at the hotel lobby at least 10 minutes before the scheduled pick up. As this is a join in tour, please be patient in cases of unforeseen delays along the pick up route
• Additional surcharge will apply if hotel is outside of Luang Prabang city, to be paid directly to the operator. Operator will reconfirm the surcharge amount in advance